Добро утро со Инфомакс: До кај што сум ја пренесол својата љубов, дотаму е мојата татковина

Како оние кои го познавале го опишуваат Блаже Конески?

Неуморен градител на убавината, умник над умниците, челник на македонската преродба, благородниот поет што ја воздигна славата на македонскиот дух, скромен, чесен, правдољубив – вака зборуваат оние што го познавале великанот.”

Добро утро Македонци, уживајте во “Татковина” од Блаже Конески:

ТАТКОВИНА

Со замислени меѓи

сум ја означил својата татковина.

Сум поставил белеги на сите нејзини граници

и на сите стратегиски точки:

на тераси над реки, езера и над морскиот брег

кај што сум седел долго со пријатели

во летните вечери,

при чашка црвено вино.

На пазаришта со раскошни бои и опојни мириси

од есенското обилие.

На планински врвови

кога низ проретчени облаци

се открива поглед во далечни предели.

До кај што сум ја пренесол својата љубов,

дотаму е мојата татковина.

А вие, еј!

На што сте смислиле да ја сведете?!

Share on Facebook

Tweet

Follow us

Save