Добро утро со Инфомакс: “И да го мените светот, не менувајте го своето минато, вели дедо, никаде не одете без него”

Небеска Тимјановна  е роман на македонскиот писател Петре М. Андреевски, првобитно издаден во 1988 година.

Збогатувајќи ја македонската книжевност со „Небеска Тимјановна“, авторот со својата мајсторија и моќ одново ја покажува и докажува силната желба да се биде признат во и преку јазикот. Со приказ на тогашната социјална и политичка состојба, Андреевски ја нагласува потребата на секој човек да го потврди својот идентитет.

Добро утро Македонци, во продолжение неколку цитати од “Небеска Тимјановна”:

“Надежта и питачот го прави богат.”

“На убавиот човек само убавото му се гледа.”

“Без ближен човек и среќата не ти е ближна, а камоли несреќата.”

“Зар само низ солзи се стигнува до среќата, господе?”

“Знам дека политиката има некои општи цели и задачи, но зошто од нив е изоставена поединечната човечка болка? Јас болката ја ставам пред политиката…”

“Пеј за слободата! Ќе пеам кога ќе бидам јас слободна. Каде е твојата граѓанска свест?! Нема граѓанска свест без полни граѓански права.”

“Што ќе правиш: откако ќе паднеш, ќе видиш колку си бил на високо.”

“Зошто нема чистачи на човечки образи?”

“И во најголемиот очај ти поминува некоја ненадејна искра во душата. И сите темни места, во исто време, ти ги осветлува.”

“Но луѓето паметат колку сите наши соседи се единствени дека нема македонски народ и колку не се единствени чиј е тој народ, кому му припаѓа.”

“И да го мените светот, не менувајте го своето минато, вели дедо, никаде не одете без него.”

“Ова е само една вистина, зашто вистини има стопати по толку, којзнае колкупати по толку. Вистини има колку што има луѓе. И живи и мртви.”