Додик: Го охрабрив Путин да продолжи!

Разговорот со претседателот на Руската Федерација, Владимир Путин, беше еден од најуспешните разговори што сме ги имале досега, напиша Милорад Додик, претседател на ентитетот на БиХ, Република Српска на мрежата Х, сумирајќи ги неговите посети на Русија и Белорусија.

„Бевме примени со многу почит и ни беше дадена можност да разговараме за ситуацијата во Српска и Босна и Херцеговина. Дојдов до заклучок дека Русија го брани Дејтонскиот договор од Америка. Продолжуваме да соработуваме на сите полиња“ додаде Додик.

„Русија е подготвена да продолжи со испораките, пред се гасот. Ќе имаме и некои нови рамки на соработка, кои ќе бидат познати во наредниот период. Путин е посветен на зачувување на стабилноста и мирот, и овде и во регионот. Русија многу цени што не дозволуваме воведување санкции против Русија. Рековме дека не сакаме наше членство во НАТО и тоа не е работа на Путин, тоа е наша работа. Затоа што не ги гледаме придобивките што би можеле да ги добиеме од тоа. Го охрабривме и Путин нивните компании да продолжат да работат и да инвестираат. Многумина сакаат да го сокријат фактот дека Русија е најголемиот инвеститор во БиХ во последната година“ порача тој.

Додик истакна дека е почестен со орденот Александар Невски кој му го врачил токму Путин.

Разговор с предсједником Руске Федерације Владимиром Путином је био један од успјешнијих разговора које смо до садa имали.
Примљени смо с пуно уважавања и добили смо прилику да причамо о стању у Српској и БиХ.
Дошао сам до закључка да Русија брани Дејтонски споразум од Америке.… pic.twitter.com/juCCDWkxMm

— Милорад Додик (@MiloradDodik) February 23, 2024

Share on Facebook

Tweet

Follow us

Save