Додик се закани со отцепување на Српска, САД веднаш со реакција:„Нема да стоиме на страна“

Америка нема мирно да набљудува евентуален обид за отцепување на Република Српска од Босна и Херцеговина, му порача денеска американската амбасада во Сараево на лидерот на босанските Срби Милорад Додик, кој претходно истиот ден изјави дека Република Српска наскоро би можела да прогласи независност.

Реагирајќи на изјавата на Додик дека РС ќе прогласи независност веднаш штом високиот претставник за Босна и Херцеговина воведе закон за статусот на државна сопственост, што може да се случи веќе во јануари, американската амбасада потсети дека ентитетите се можни само како делови од државата Босна и Херцеговина и надвор од неа не можат да постојат ниту да опстанат.

Како што истакнаа, Уставот на Босна и Херцеговина не предвидува право на отцепување ниту за ентитетите ниту за која било друга административна територијална единица.

„Соединетите Американски Држави повеќепати јасно ставија до знаење дека ќе реагираат и ќе се спротивстават на акцијата против Дејтон, која е отцепување. Милорад Додик не е во право ако мисли дека САД ќе стојат настрана додека тој ја турка БиХ во конфликт“, пишува во изјавата на американската амбасада, која ја пренесоа локалните медиуми.

Share on Facebook

Tweet

Follow us

Save