(Документи) (Не)кој лаже? Николоски не работел во приватен сектор ни 14 секунди не од 14 години

Александар Николоски нема работено во приватен сектор ни 14 секунди, а не 14 години, пишува „Професорката Мила“ на Твитер, откако Николоски изјави дека од 14 години работи во приватен сектор.

– Следно, јас за разлика од Стево Пендаровски знам што значи да се работи и работам од мојата 14 година на почеток во фамилијарните бизниси каде што помагав се додека не се активирав во политиката и многу добро знам како се заработува плата. Од моето семејство и потесно и пошироко нема ниту еден вработен во јавна администрација, сите се во приватен сектор, изјави Николоски откако Стево Пендаровски на митинг истакна дека „да не е во политиката ќе нема леб од каде да јаде“.

Сепак, на социјалните мрежи се објавени податоци од ПИОМ каде се гледа дека Николоски нема ниту еден ден стаж во приватен сектор.