Домаќински: ПОЦ изнајмил Пајак-возило за 4.720.000 денари!

Јавно претпријатие за јавни паркиралишта Паркинзи на Општина Центар Скопје изнајмило возило ПАЈАК за 4.720.000,00 денари или за нешто повеќе од 77 илјади евра за една година.

Договорот е склучен на 22.08.2024, а на веб-страницата за јавни набавки е објавен денеска, 03.09.2024 година.

Инаку договорот е склучен во времетраење од една година. Цената на еден работен час изнесува 2450 денари без вклучен ДДВ или 2981 денар со вклучен ДДВ.

Инаку, на тендерот е пријавен само еден понудувач, компанијата која го добила тендерот, а тоа е Друштво за промет и услуги ГРИН ТИМ ДОО увоз-извоз Битола.

Во продолжение техничките спецификации за пајакот.

Потребната техничка и професионалната способност за квалитетно извршување на договорот, договорниот орган ќе ја утврди преку следниве минимални услови:

• да има најмалку 1 услуга од овој или сличен вид на услуги како предмет на набавка во последните три години
• Да има најмалку едно специјално возило – пајак, со следните технички карактеристики:

• Возилото да не биде постаро од 2006 година,
• Возилото да е минимум Еуро 4 стандард за издувни гасови,
• Кранот да може да подига мин.4000 кг
• Возилото да биде регистрирано за таа намена

• Да поседува GPS уред со можност за дневно генерирање на извештај за работно време
• Да поседува доказ/ соодветна техничка документација за исправност на кранот, не постара од една година

5.3.3.2 Економскиот оператор го докажува исполнувањето на минималните услови од потточка 5.3.3.1 со доставување на:

• потврда за успешно реализиран договор за извршени услуги од овој или сличен вид како предметот на набавката во последните три години
• Изјава дека има најмалку едно специјално возило – пајак, со прилог – копија од сообраќајна дозвола како доказ за располагање со возило со бараните технички карактеристики и соодветен доказ за исправност на кранот издаден од инспекциско тело/орган

ПОЦ од понудувачите побарал и банкарска гаранција:

Носителот на набавката се обврзува навременото и квалитетното извршување на овој Договор да го гарантира со доставување безусловна банкарска гаранција од банка прифатлива за Договорниот орган, која ќе ја достави во рок од 10 (десет) денови од склучувањето договорот.

Висината на банкарската гаранција изнесува 5% од вкупната вредност на Договорот без ДДВ.

Гаранцијата ќе биде активирана во следните случаи:

• Доколку Носителот на набавката не го почитува договорениот рок за извршување на услугите – предмет на овој Договор,
• Во случај на несовпаѓање на техничките спецификации кај извршените услуги и
• Во случај на раскинување на овој Договор по вина на Носителот на набавката.

Носителот на набавката е должен во рок од 10 (десет) денови од потпишување на договорот, да му достави на Договорниот орган банкарската гаранција со што безусловно гарантира целосно, квалитетно, совесно и навремено извршување на Договорот.

Доколку дојде до наплата на гаранцијата за квалитетно извршување на Договорот, Договорниот орган преку ЕСЈН на носителот на набавката ќе му издаде негативна референца.

Гаранцијата за извршување на договорот во услови на навремно и квалитетно извршување на Договорот му се враќа на Носителот на набавката во рок од 14 (четиринаесет) денови по истекот на временската или вредносната рамка на Договорот.

Недоставувањето на банкарската гаранција во определениот рок претставува основ за раскинување на договорот. Договорниот орган во овој случај го задржува правото на надомест на штета.

Договорот е потпишан помеѓу управител на компанијата и директорот на ПОЦ, Душко Коцевски. Во системот за јавни набавки постојат слични договори со драстично помали цени за ист временски период на изнајмување на слично возило.

Share on Facebook

Tweet

Follow us

Save