Духови во канцелариите на судскиот совет?! Полиција проверувала дали некој претурал по канцеларијата на еден член

Полициски инспектори биле повикани минатата недела во Судскиот совет за утврдат дали се точни сомнежите на еден член кој пријавил дека некој му претура по канцеларијата.

Претседателот на Советот Сашко Георгиев денеска потврди дека имало таква полициска акција во Судскиот совет во петокот, но засега не се соопштува што е откриено.

На прашање дали постојат сомнежи дека се влегува во канцелариите на вработените во Судскиот совет, тој одговори дека тоа ќе се испита.

– На работен колегиум дискутиравме во врска со тоа дека имало индивидуални видувања на некои од колегите во врска со некакви сомнежи за влегување во канцеларија или слично, тоа се нивни лични видувања. По дискусија на колегиум донесовме одлука дека во целата ситуација, штом имаме такви сомнежи, редно е да се испита тоа за да знаеме каква е состојбата – рече Георгиев.

Според Телма, полициски инспектори ги проверувале камерите во судски совет за да ги утврдат сомнежите на пријавувачот.

Share on Facebook

Tweet

Follow us

Save