ЕВЕ ГИ ГИ ГАРАНЦИИТЕ: ШОЛЦ ГАРАНТИРА ДЕКА БУГАРИЈА НЕМА ДА НЀ БЛОКИРА НА ПАТОТ КОН ЕУ

Пристапниот процес на Македонија треба да биде редовен согласно напишаното на хартија и не треба да има нови условувања, кои се однесуваат на билатералната состојба, изјави германскиот канцелар Олаф Шолц на заедничката прес – конференција со премиерот Димитар Ковачевски, кој е во дводневна официјална посета на Сојузна Република Германија, пренесува МИА.

-Ќе бидам јасен. Тоа е јасно договорено, и треба да биде редовен пристапен процес според постапките кои се управуваат од ЕУ. Тоа се работи кои се веќе напишани на хартија и не треба да дојдат други што се однесува до билатералната состојба. Јас гарантирам за тоа, рече канцеларот Шолц на новинарско прашање за коментар дали е прифатлива за него изјавата на бугарскиот претседател Румен Радев дека уставните измени, кои се утврдени во преговарачката рамка, се само прелиминарен услов за земјава и дека со нив не се исцрпени сите услови за државата да ја почне втората фаза од преговорите.

Шолц порача дека уставните измени се од централно значење за да се ослободи патот на Македонија кон ЕУ и дека Германија сериозно ја сфаќа ЕУ-перспективата на земјава.

Претходно претседателот на ВМРО-ДПМНЕ, Христијан Мицкоски, бараше гаранции од Европската унија дека Бугарија доколку ги донесеме уставните измени нема повеќе да не блокира на патот кон ЕУ.

Share on Facebook

Tweet

Follow us

Save