Економист: Израел подготвува копнена офанзива на Либан

Израел подготвува копнена офанзива во Либан која би вклучувала заземање тампон-зона која ќе се протега на неколку километри територија северно од границата, објави, британски Економист, повикувајќи се на воени извори.

Израелската војска (ИДЕФ) најави дека во таа област ќе распореди дивизија која до пред околу еден месец била во Газа.

Израел, сепак, не изгледа целосно спремен за непосредна копнена инвазија, наведува Економист. Борбените единици тренираат во бази на северот, но сè уште не почнале да се собираат во граничните зони.

„Плановите за копнена инвазија се спремни“, кажал еден резервен офицер вклучен во подготовките. „Но сè уште сме далеку од тоа да имаме доволно сили да ја изведеме“.

Економист укажува и на поделби во највисоките израелски воени и политички ешалони, при што некои бараат многу побрза ескалација за да го искористат хаосот во либанското движење Хезболах, додека други предлагаат повнимателен пристап за Хезболах да се примора на повлекување.

Претходно оваа недела израелскиот министер за одбрана Јоав Галант најави почеток на нова фаза на војната и поместување на тежиштето на операциите на север.

Share on Facebook

Tweet

Follow us

Save