Ердоган во посета на Украина: Ќе ги смирува со Русија
Турскиот претседател Реџеп Таип Ердоган денеска ќе престојува во посета на Украина и, како што е најавено од неговиот кабинет, ќе се обиде да ги смири растечките тензии со Русија. Советникот за надворешна политика Ибрахим Калин деновиве изјави дека Ердоган ќе разговара со претседателот Володимир Зеленски, но и дека ќе остане во близок контакт со Русите. „Турција останува на располагање за секоја улога што може да ја одигра во намалувањето на тензиите меѓу Русија и Украина“, рече Калин.
Турција која е членка на НАТО не ја призна руската анексија на украинскиот полуостров Крим во 2014 година. Тензиите меѓу Западот и Русија се зголемуваат во последните недели поради стравот на западните земји од руска инвазија на Украина. Инаку, во рамките на посетата на Ердоган на Украина ќе се одбележи и 30-годишнината од воспоставувањето дипломатски односи меѓу Анкара и Киев. Предвидено е и потпишување договор за слободна трговија меѓу двете земји.
ПОВРЗАНИ ВЕСТИ
Рутe: Сите членки на НАТО се обврзаа…
Сите земји-членки на НАТО, вклучувајќи ги и…
Трамп: Русите можеби имаат амбиции надвор од…
Тој повторно ги истакна нападите на САД…
Медведев: ЕУ е директна закана за Русија
Брисел денес е вистинскиот непријател на Русија,…
Лавров: Часот на судниот ден се приближува,…
Рускиот министер за надворешни работи Сергеј Лавров…
Руте: Незамисливо е Русија да нè престигне…
Генералниот секретар на НАТО, Марк Руте, изјави…