Ердоган се надева дека Путин ќе ја посети Турција наскоро

Турскиот претседател Реџеп Таип Ердоган во четвртокот изрази надеж дека рускиот претседател Владимир Путин ќе ја посети Турција по неговото патување во Кина.

„Денеска ќе имаме средба со украинскиот претседател Владимир Зеленски, а господинот Путин ни кажа дека ќе ја посети Турција по неговата посета на Кина“, рече Ердоган за време на прес-конференцијата пред неговото заминување во Киев.

„Не е во ред за нас да ги набљудуваме негативните настани меѓу Русија и Украина. Се надевам дека успешно ќе го надминеме овој немирен период меѓу двете држави.

Ердоган не ја прецизираше временската рамка за посетата.

Турскиот лидер, исто така, истакна дека Анкара „внимателно ги следи тензиите во регионот“ и ги повикува сите страни да се вклучат во дијалог.

„Постојано велиме дека го поддржуваме територијалниот интегритет и суверенитет на Украина. Ги покануваме сите страни на дијалог за да може да се најде мир во регионот. Повторувам дека сме подготвени да придонесеме за воспоставување атмосфера на мир и доверба во нашиот регион“, додаде Ердоган.

На 26 јануари Ердоган објави дека го поканил Путин да ја посети републиката. Освен тоа, тој изрази желба да организира средба „vis-a-vis“ меѓу Путин и Зеленски, за да можат „да го продолжат својот пат за враќање на атмосферата на мирот“.

Во меѓувреме, портпаролот на Кремљ, Дмитриј Песков, на 24 јануари изјави дека Кремљ нема конкретни информации во врска со потенцијалната средба меѓу Путин и неговиот турски колега.

За време на нивните телефонски разговори во декември 2021 година, Путин му посочи на Ердоган дека Украина го продолжува својот деструктивен курс кој има за цел да ги поткопа договорите од Минск.

Share on Facebook

Tweet

Follow us

Save