ЕУ за израелско-американските напади врз Иран: Остануваме во контакт со сите страни

Претставници на Европската Унија се изјаснија за израелско-американските напади врз Иран, велејќи дека развојот на настаните е исклучително загрижувачки.

Во соопштението за медиумите што го сподели претседателот на Европскиот совет, Антонио Кошта, беше наведено дека Брисел останува во контакт со сите страни.

„Ја потврдуваме нашата непоколеблива посветеност на зачувувањето на регионалната безбедност и стабилност. Обезбедувањето на нуклеарна безбедност и спречувањето на какви било дејствија што би можеле дополнително да ги ескалираат тензиите или да го поткопаат глобалниот режим на неширење се од најголема важност“, изјави Кошта.

Тој, исто така, зборуваше за санкциите насочени кон одредени ирански претставници.

„Европската Унија усвои сеопфатни санкции како одговор на дејствијата на иранскиот убиствен режим и Револуционерната гарда и постојано промовира дипломатски напори насочени кон решавање на нуклеарните и балистичките програми преку договорено решение“, изјави тој.

Конечно, тие ги повикаа сите страни на максимална воздржаност.

„Во тесна координација со земјите-членки на ЕУ, ќе ги преземеме сите потребни чекори за да се осигураме дека граѓаните на ЕУ во регионот да можат да сметаат на нашата целосна поддршка. Ги повикуваме сите страни да покажат максимална воздржаност, да ги заштитат цивилите и целосно да го почитуваат меѓународното право“, заклучи Коста.

Share on Facebook

Tweet

Follow us

Save