ЕУ повторно не успеа да договори ембарго на руските енергенси

ЕУ ни денес не успеа да се договори за ембаргото на руската нафта, но дипломатите, сепак ќе се обидат да постигнат напредок пред самитот од понеделник до вторник за ослободување на испораката на гасоводи до централноевропските земји кои се без излез на море, изјавија официјални лица за Ројтерс.

Сепак, висок дипломат на ЕУ вели дека има „сè уште премногу детали за средување“ пред „да се надеваме на договор“ во пресрет на утрешната средба на лидерите на Европската унија во Брисел.

Предложените санкции за увоз на нафта се дел од шестиот пакет санкции на Европската унија за Русија поради нејзината инвазија на Украина.

Пакетот вклучува исклучување на најголемата руска банка Сбербанк од системот СВИФТ, забрана на руските радиодифузери од ЕУ и додавање на повеќе луѓе на списокот на поединци чии средства се замрзнати и кои не можат да влезат во ЕУ.

Целиот пакет го блокира Унгарија, која вели дека ембаргото за нафта би било тежок удар за нејзината економија бидејќи не може лесно да добие нафта од друго место. Словачка и Чешка изразија слична загриженост.

Разговорите за нафтено ембарго траат веќе еден месец без напредок и лидерите сакаа да постигнат договор за нивниот самит за да избегнат да изгледаат разединети во нивниот одговор кон Москва.

Share on Facebook

Tweet

Follow us

Save