Жал ми е што Мицкоски станува жртва на некои уверувања – Дел од политичарите Албанци во Владата не можат да се променат, тие се производ на стар политички менталитет, вели Таравари

„Премиерот Мицкоски изминатиот период беше под голем притисок поради повеќе причини. Жал ми е што слушам дека и тој станува жртва на некакви уверувања. Единствената вистина е дека нашата партија одлучи да настапи со посебни листи за советници на локалните избори“, изјави министерот за здравство, Арбен Таравари, и најави дека наскоро ќе се сретне со премиерот за да му ја објасни, како што рече, вистинската слика околу последните случувања во Владата и околу одлуката на неговото крило на партијата.

Според него, токму оваа одлука предизвикала незадоволство кај дел од албанските структури во Владата, кои, како што вели, започнале да шират алиби и гласини.

„Не сакаме повеќе да бидеме дел од таа клима на сомнежи, шпекулации и заговори. За жал, дел од политичарите Албанци во Владата не можат да се променат – тие се производ на стар политички менталитет“, додаде Таравари.

Share on Facebook

Tweet

Follow us

Save