Завршен пописот во Косово: 200.000 луѓе помалку за 12 години

Според податоците од пописот, се очекува на Косово да има 1.600.000 жители, изјави на завршната прес-конференција вршителот на должноста директор на Агенцијата за статистика Авни Кастрати. Според него, учеството на неалбанските заедници било масовно освен во општините на север. Конечните податоци ќе бидат објавени за шест месеци.
„Сите заедници беа отворени за пописот и се залагаа да се пребројат. Учеството на сите малцински заедници беше масовно, освен српската заедница во четири општини на северот на Косово, тие делумно учествуваа“, рече Авни Кастрати.

Кастрати не даде јасен одговор на забелешките на новинарите дека во мнозинските српски области попишувачите не ги регистрирале сите домаќинства и граѓани, а заинтересираните останале ненапишани, освен оправдувањето дека некои попишувачи се откажале, пренесува радио КиМ

„Во некои српски зони трипати имаше попишувачи и во последната недела. Граѓаните од српска националност веќе се обиделе да се приклучат бидејќи го увиделе значењето на пописот, но тие пет недели не реагирале. Ова е пописен проект и АКС го направи најдобро што може. Тие добија можност да се пријават од сите општини, без разлика на етничката припадност. Го направивме невозможното српската заедница да одговори. Имаше седум центри за да се пријават. Се обидовме да излеземе во пресрет на барањата кои ни доаѓаат од другите општини. Оние кои не се пријавиле годинава ќе се пријават во 2031 година“, рече Кастрати.

Тој изјави дека Агенцијата за статистика имала соработници од две невладини организации во општините со српско мнозинство кои требало да работат на кампањата. Кастрати не одговори на новинарското прашање за кои организации станува збор и колку пари им се ставени на располагање за кампањата.
Прелиминарните податоци за пописот на населението и домаќинствата ќе бидат објавени на почетокот на јули, рече првиот човек на Агенцијата, додавајќи дека службениците на Агенцијата за статистика ќе работат и во текот на годишниот одмор.

Според неговите очекувања, конечните податоци ќе бидат објавени за шест месеци.
Пописот на населението и домаќинствата на Косово започна на 5 април, а заврши со една недела продолжување на 24 мај.
Според пописот од 2011 година, вкупниот број на жители на Косово бил околу 1,8 милиони, од кои околу 25.000 Срби. Сепак, според проценките на граѓанскиот сектор, на Косово живеат околу 100.000 припадници на српската заедница.

Share on Facebook

Tweet

Follow us

Save