Зајкова: Не може да исплаќаме милиони за паушали на агенции кои не ги познаваме
Пратеничката и претседателка на ЛДП, Моника Зајкова, во гостување во емисијата „Клик Плус“ на ТВ21 изрази загриженост поради исплатата на милиони денари од државниот буџет за агенции кои, како што истакна, не се доволно познати и кои можеби не се составени од експерти, туку од партиски кадри.
„Не може да правиме популизам од нештата и да не гледаме реално што ни се случува. Не може да исплаќаме милиони од буџетот за вакви паушали на агенции кои не ги ни познаваме, за коишто ако почнам да ги напоменувам, јавноста прв пат ќе слушне за нив. Не знаеме дали таму седат навистина луѓе експерти или исклучиво партиски кадри“, изјави Зајкова.
