INFOMAX.MK

Зеленски разговараше со Гутереш и Ердоган за договорот за храна и нуклеарната централа Запорожје.

Украинскиот претседател Володимир Зеленски изјави дека со турскиот претседател Реџеп Таип Ердоган разговарал за воената соработка, ситуацијата во нуклеарната централа Запорожје и договорот за храна.

„За време на средбата во Лавов со Реџеп Тајип Ердоган, разговарав за можноста за подобрување на иницијативата за житото, за ситуацијата во врска со нуклеарната централа Запорожје. Го допревме и прашањето за одбранбената соработка“, напиша Зеленски на својот канал на Телеграм.

Зеленски денеска во Лавов се сретна и со генералниот секретар на Обединетите нации, Антонио Гутереш, со кого разговараше и за ситуацијата во нуклеарната централа Запорожје, како и за продолжувањето на договорот за храна, кој беше потпишан на 22 јули во Истанбул од страна на претставниците на Русија, Турција, Украина и на Обединетите нации. Според договорот, беа укинати ограничувањата за извоз на руски производи и договорен е извоз на украински жито, прехранбени производи и ѓубрива од три пристаништа на Црното Море, меѓу кои и Одеса.