Зеленски: Платеници се борат на страната на руските сили во Украина

Украинскиот претседател Володимир Зеленски откри дека руските сили во близина на Вовчанск, Харковски регион, се засилени со платеници од Кина, Таџикистан, Узбекистан, Пакистан и неколку африкански земји. Ова го соопшти за време на посетата на 57-та одделна моторизирана пешадиска бригада која го брани овој сектор.

Градот Вовчанск се наоѓа само пет километри од руската граница и е центар на жестоки судири откако Русија во мај 2024 година започна нова копнена офанзива во регионот.

Зеленски рече дека војниците на фронтот забележале присуство на платеници од споменатите земји и додаде дека Украина ќе одговори на оваа закана.

Претседателот разговарал и за прашања поврзани со регрутацијата и зголемувањето на пристапот до беспилотни летала, кои се клучни во одбранбените и извидувачки операции.

Во април, Зеленски посочи дека „неколку стотици“ кинески државјани се активни на руска страна, што Кина ги негираше и повика на воздржаност од воени дејства.

Покрај тоа, Киев обвини дека Русија ангажирала околу 12.000 војници од Северна Кореја, распоредени во Курскиот регион, како дел од напорите да ги засили своите сили со странски борци.

Share on Facebook

Tweet

Follow us

Save