Знаете ли колку пари заработуваат Кејт Мидлтон и принцот Вилијам?

Многумина веруваат дека Кејт Мидлтон го ревитализирала кралското семејство, исто како што некогаш направила нејзината свекрва, Лејди Дијана. Тоа ѝ донесе нова популарност, но и верба дека лозата ќе продолжи и монархијата ќе опстане.

Дали Кејт Мидлтон добива соодветна „плата“ за фантастичната работа што ја работи? Кога британското кралско семејство го објави интегралниот годишен извештај на Војводството Корнвол, беа откриени и финансиските извештаи на принцот Вилијам и принцезата од Велс.

Од март 2023 година до март 2024 година, нивното војводство заработило околу 23,6 милиони фунти, што е повеќе од 30 милиони долари. Така, иако Кејт Мидлтон и принцот Вилијам не добиваат реални плати за нивните кралски улоги, Војводството Корнвол ги плаќа сите нивни трошоци.

Така, како принц од Велс, Вилијам може да ги искористи овие пари за финансирање „јавни, добротворни и приватни активности“, како и за своето семејство.

Додека вредноста на имотот, движен и недвижен, останува непозната за јавноста, се проценува дека Кејт е „вредна“ околу 10 милиони долари, а нејзиниот сопруг Вилијам дури 100 милиони.

Војводството Корнвол е основано од кралот Едвард III во 1337 година и вклучува земјиште, фарми и други ресурси во Англија и Велс. На официјалната веб-страница на војводството пишува: „Повелбата предвидува дека секој иден војвода од Корнвол ќе биде најстариот преживеан син на монархот и престолонаследник“.

Така, приходот од имотот се исплаќа на принцот од Велс, војводата од Корнвол. Денес тоа е принцот Вилијам.

Според официјалната веб-страница на Војводството: „Војводството се состои од приближно 52.449 хектари земја во 20 окрузи, главно во Југозападна Англија. Главната дејност на Војводството е одржливо комерцијално управување со земјиштето и недвижностите. Војводството има и финансиски инвестициско портфолио“.

Членовите на кралското семејство имаат различни одговорности, обврски да се појавуваат во јавноста и се покровители на разни добротворни организации, спортски организации и општествени заедници.

Највредна минатата година беше принцезата Ана, сестра на кралот Чарлс, која имаше 457 ангажмани за Куќата на Виндзор за 365 дена. Кралот Чарлс беше веднаш зад својата сестра со 425.

Принцот Вилијам и Кејт Мидлтон поминаа помалку денови како „работни членови“ на кралското семејство. Додека трет на листата беше принцот Едвард (297), следен од Камила Паркер Боулс (233), Софи, војвотката од Единбург (219) и принцот Ричард (172), принцот Вилијам имаше 172 настапи и Кејт Мидлтон 128.

Како најпопуларна кралска двојка, тие веројатно ќе имаат многу можности да се фокусираат повеќе на својата работа, а приоритет сега се нивните три деца, принцот Џорџ, принцезата Шарлот и принцот Луис.

За Кејт Мидлтон, примарен фокус оваа година беше битката со ракот, а принцот Вилијам исто така ги намали јавните настапи за да ја поддржи сопругата.

Share on Facebook

Tweet

Follow us

Save