INFOMAX.MK

Првата антикорупционерка, претседателската на ДКСК, Билјана Ивановска вечерва во емисијата „24 анализа“ рече дека досега многупати прочитале дека нема напредок во извештајот и затоа не треба да сме изненадени од лошите оцени на меѓународната заедница.

„Ние постојано укажуваме на тоа. ДКСК дава препораки, невладините укажуваат на тоа и тогаш сите се глуви. Кога доаѓа заедницата да ни ги каже реално оценките, тогаш се чудиме. Власта не ги гледа оценките. Тоа е зрелоста на нашето општество“ – вели Ивановска.

Според Ивана Петковска од Коалицијата за правично судење, нема изненадување од извештајот особено во делот на правосудството и корупцијата.

„Изненадени се други кои не очекувале дека ќе има ваков извештај. На сите констатации во извештајот веќе ги алармиравме преку анализи, реакции, документи и порано, а државните институции останале глуви. ЕК го потврдува сето тоа со извештајот и тој има негативни коментари и уназадување на состојбите во изминатите години“ – вели Петковска.