Измама со фотоволтаици: Гостиварец изгубил 200.000 евра

Граѓанин од гостиварско пријавил во СВР Тетово дека бил измамен за 200.000 евра во инвестиција поврзана со изградба на фотоволтаици.

Според неговата пријава, 58-годишниот оштетен во текот на 2023 година ги уплатил средствата во Хрватска, Шпанија и Германија, со договор дека и другите инвеститори ќе вложат дополнителни 50 милиони евра во заедничкиот проект.

Според пријавата во измимата биле вклучени Е.И.Ј. (47) од Нигерија, Б.А. (45) и Л.Ј. од Литванија, кои оштетениот ги запознал преку Љ.С. (58) од липковско село.

Откако сфатил дека парите не биле вложени и дека договорите не биле нотарски заверени, оштетениот се посомневал дека станува збор за измама и го пријавил случајот.

Од полицијата информираат дека се преземаат мерки за расветлување на случајот и утврдување на сите околности околу измамата.

Share on Facebook

Tweet

Follow us

Save