Израелската армија соопшти дека убила високопоставен член на „Хезболах“

Израелските воени сили соопштија дека го убиле „терористот Фарук Амин Аласи, командант на „Хезболах“ во областа на либанскиот град Хијам“, пренесува ДПА.

Аласи е одговорен за бројни ракетни напади против израелски општини во области на Горна Галилеја, а особено во градот Метула, се наведува во изјавата објавена на социјалната мрежа „Икс“.

Израелските одбранбени сили (ИДФ) додадоа дека го убиле и „терористот Јусуф Ахмад Нун, командант на чета на силите Радван во областа Хијам“, кој исто така бил одговорен за ракетните напади врз израелските општини и воени единици лоцирани во областа на Галилеја.

Пронајдени се и големи залихи на оружје.

Во областа на Хијам, која се наоѓа покрај границата со Израел, се водат борби помеѓу израелските војски и шиитското движење поддржано од Иран.

Share on Facebook

Tweet

Follow us

Save