Инцидент на саем во Диселдорф – огномет повреди најмалку 19 лица

Најмалку 19 лица се повредени во инцидент со огномет што се случи вчера вечерта на саем во Диселдорф, Германија, пренесува Н1 телевизија.

Меѓу повредените има најмалку едно дете, а четири лица се здобиле со сериозни повреди, соопшти рано утрово противпожарната служба во Диселдорф.

На местото на настанот биле повикани речиси 80 пожарникари и спасувачи.

Според информациите, еден од огнометите детонирал од непознати причини од прениска висина доцна вчера навечер.

Полицијата ја истражува причината, но верува дека станува збор за несреќа. Организаторите на најголемиот саем ги завршија свеченостите предвреме.

Во соопштението, тие изјавија дека длабоко жалат за несреќата. Портпаролот рече дека ќе размисли дали да ја продолжи традицијата со огномет следната година.

Саемот, кој го слави заштитникот на градот, Свети Аполинариус, започна на 11 јули и треба да продолжи до утре.

Share on Facebook

Tweet

Follow us

Save