Ирскиот пасош најмоќен во светот- еве на кое место се наоѓа македонскиот

Според рангирањето на „Nomad Capitalist“ за 2025, Ирска е држава со најмноќниот пасош во светот, додека Македонија на оваа листа се најде на 81 место со идентичен резултат како Тонго и Гватемала. Според ова рангирање Македонија овозможува влез без виза во 132 држави.

Деветтото издание на рангирањето рангира 199 земји и територии и користи 20 извори како што се даночните власти на земјата за даночната под-оценка, Светскиот извештај за среќа и Индексот за човечки развој на Обединетите нации за потоценката за перцепција.

Резултатите се движат од 10 до 50, освен за категоријата виза, што е бројот на земји кои имаат право на пасоши да ги посетат без потреба од виза.

Рангирањето на „Nomad Capitalist“ анализира пет критериуми:

– Патување без визи – 50 отсто

– Даноци – 20 отсто

– Перцепција на светот – 10 отсто

– Можност за двојно државјанство – 10 отсто

– Лична слобода (слобода на медиумите, задолжителен воен рок и сл.) – 10 отсто.

Ирскиот пасош се најде на врвот благодарение на високите оценки за патување без визи, но и поволните даночни услови, широко прифатената глобална перцепција и високо ниво на лична слобода.

Од друга страна, Македонија и покрај солидниот визен пристап, е оценета со пониски резултати во категориите за даночна политика, лични слободи и глобална перцепција.

Рангирањето користи податоци од Светскиот извештај за среќа, Индексот за човечки развој на ОН, како и јавни извори од национални даночни институции. Рангирањето има цел да обезбеди холистички пристап кон вреднување на пасошите.

Share on Facebook

Tweet

Follow us

Save