Испливаа нови детали од судењето: Братoт на Ивана се сомнева дека друг пишувал од нејзиниот телефон пред самоубиството

Нови и застрашувачки детали излегоа на виделина на денешното рочиште за случајот со мајката и ќерката од Тафталиџе. Александар Стојановски, брат на починатата, откри дека семејството забележало невообичаена комуникација од телефонот на Ивана, што кај нив разбудило сомнеж дека некој друг ги испраќал пораките во нејзино име, особено за време на оставинската постапка за имотот на нивниот татко.

Братот тврди дека Ивана поседувала докази на својот телефон за криминалните активности на обвинетиот, но се плашела да ги предаде.

Обвинетиот наводно барал пари и се заканувал дека ќе го запали имотот на мајката на Ивана.

Од почетокот на 2025 година, Ивана престанала да праќа фотографии од ќерката и го променила однесувањето.

Семејството не ги пријавило заканите во полиција надевајќи се дека Стојанче ќе заврши во затвор за претходен случај со дрога, што за Ивана би значело слобода.

Сведокот посочи дека Ивана се сомневала оти станот е префрлен на име на сопругот без таа воопшто да се појави кај нотар.

На денешното рочиште сведочеа и наставничката на малата Катја, како и сосетка од зградата, кои треба да помогнат во расветлување на атмосферата во домот пред кобниот 2 март.

Share on Facebook

Tweet

Follow us

Save