И Бошњаците бараат заедница на бошњачки општини во Косово

Освен Србите на територијата Косово, загрозени се чувствуваат и Бошњаците, вели Осама Зукорлиќ од Партијата за правда и помирување кој вели дека некои од политичките претставници на Бошњаците во Косово му кажале дека имаат намера да покренат иницијатива за формирање заедница на бошњачките општини. За Политика вели дека е потребно, како што рече, нивниот глас да се слушне.

Пратеникот Зукориќ наведува дека со години слуша дека Албанците сакаат да добијат друга држава на Балканот, освен Албанија, дека Србија сака да се почитува Бриселскиот договор и дека по една деценија се формира ЗСО, а праша што косовските Бошњаци ќе добијат во тој случај.

Според него, Бошњаците во Средачка Жупа, кај Призрен, не го оствариле правото да имаат потпретседател на општината, ниту да имаат десет отсто вработени во институциите. Тој додава дека Мамуша, каде живеат околу 5.000 жители, претежно Турци, во 2008 година добила статус на општина, па прашува зошто ниту Средачка жупа или Гора нема статус на општина.

„Разговарав со политичкото раководство на Бошњаците во таа област, а некои од нив ми кажаа дека имаат намера да покренат иницијатива за заедницата на бошњачките општини. Конечно сакаат да им се слушне гласот, без никој да зборува во нивно име“, вели Зукорлиќ.

Share on Facebook

Tweet

Follow us

Save