И Русковска конкурирала за обвинител во Републичкото јавно обвинителство

Пред да се случат превирањата во обвинителството, шефицата на Обвинителството за гонење на организиран криминал и корупција, Вилма Русковска, конкурирала за обвинител во Републичкото јавно обвинителство. Во ова обвинителство работат 10 обвинители, кои порано беа познати како заменици на шефот на државното обвинителство.

Од Советот на јавни обвинители ни изјавија дека конкурсот завршил неодамна, а за две слободни места се пријавиле вкупно седум обвинители.

Покрај Русковска, како што дознава „Фокус“, конкурирале и уште шест обвинители, од кои повеќето се од Вишото обвинителство.

Мандатот на Русковска како шефица на Обвинителството за гонење организиран криминал и корупција завршува за два месеца. Во меѓувреме се очекува и одлуката на дисциплинската комисија, по дисциплинската постапка која против неа ја отвори државниот јавен обвинител Љубомир Јовески.

Извор: Фокус

Share on Facebook

Tweet

Follow us

Save