Како преживуваат? Над 500 вработени во водостопанската подружница „Брегалница“ четири месеци не земале плата!
Економската криза не ги погодува само приватните компании и бизнис секторот туку и државните и општински претпријатија кои кубурат со средства за работа.
Таков е и случајот во АД Водостопанство каде за над 500 вработени во сите подружници на АД Водостопанство, за една недела ќе доспее и четвртата плата за месец септември, велат вработени во водостопанската подружница „Брегалница“ од Кочани на протестот поради доцнењето на платите за последните четири месеци.
-Тоа се случува во услови на тешка економска криза, не можеме да ги сервисираме сите обврски што ги имаме, тешко е да се издржат давачките за струја, вода и другите трошоци за нашите семејства. Состојбата е загрижувачка и бараме итна реакција на одговорните во дирекцијата во Скопје, истакна Стефанка Димитрова, вработена во водостопанската подружница „Брегалница“.
За состојбата со неисплатените плати реагирала и синдикалната организација. Нејзините членови бараат итна исплата на заостанатите плати, за да не се доведе во прашање натамошното функционирање на претпријатието.
