INFOMAX.MK

Американската потпретседателка Камала Харис, која беше поддржана од претседателот Џо Бајден откако тој објави дека се повлекува од трката за нов мандат, зборуваше за прв пат по одлуката на Бајден.

Толпата стана, а некои ракоплескаа додека доаѓањето на Камала Харис на јужниот тревник на Белата куќа беше објавено преку системот за јавно обраќање.

Почит на Бајден

Харис го започна својот говор со оддавање почит на Џо Бајден, кој, истакна таа, не е присутен затоа што има Ковид-19.

„Да, можете да плескате“, им рече таа на толпата откако ги наброја неговите достигнувања.

Таа рече дека наследството на Бајден ги надминува дури и оние претседатели кои служеа два мандати.

Харис вели дека синот на Бајден, Бо, често и кажувал каков човек е неговиот татко, додавајќи дека тоа се истите квалитети што ги гледа кај претседателот секој ден: чесност, интегритет, посветеност на верата и семејството, големо срце и љубов кон татковината.

„Ние сме длабоко благодарни за неговата служба за нашата нација“, рече таа.

Камала Харис не ја коментираше нејзината кандидатура.