Карамбол во Тетово – удрил во паркирани автомобили, повредени возачот и 19 годишен сопатник

Двајца повредени во сообраќајна несреќа која се случила во Тетово кога возач на автомобил со тетовски регистарски таблички удрил во три паркирани автомобили.

„ На 13.06.2024 во 07.45 часот во СВР Тетово било пријавено дека на крстосница на ул.„Илинденска“ со ул.„Киро Ристоски Дрнц“ во Тетово, патничко моторно возило „цитроен“ со тетовски регистарски ознаки, управувано од А.З.(30) од Тетово, удрило во паркирани патнички моторни возила: „форд“ со тетовски регистарски ознаки, патничко моторно возило „фолксваген туран“ со тетовски регистарски ознаки и патничко моторно возило „фолксваген голф“ со тетовски регистарски ознаки.“ се вели во соопштението на МВР.

Во несреќата возачот се здобил со тешки телесни повреди, додека со телесни повреди се здобил сопатникот Љ.А.(19) од тетовско Гајре, констатирани во Клиничка болница Тетово.

Увид на местото извршила екипа на СВР Тетово.

Share on Facebook

Tweet

Follow us

Save