Кина и Русија ставија ВЕТО во ОН на обидот да се осуди Северна Кореја за употребата на балистички ракети!

Советот за безбедност на Обединетите нации не презеде ништо ниту по деветтата седница оваа година за Северна Кореја, која врши ракетни лансирања затоа што Кина и Русија го спречија тоа.

Тројцата западни членки на Советот за безбедност одделно ги осудија постапките на Пјонгјанг. Тоа го направија и десет непостојани членки на Советот за безбедност.

Постапките на Северна Кореја претходно ги осуди генералниот секретар на Обединетите нации, Антонио Гутереш, а на состанокот на Советот за безбедност неговиот помошник Калед Кјари предупреди дека Советот за безбедност треба да биде обединет за ваквите прашања.

Само во последната недела Северна Кореја лансираше 25 проектили, вклучувајќи и интерконтинентални, кои теоретски би можеле да стигнат до САД. Се наведува и дека Пјонгјанг се подготвува за нова нуклеарна проба, која исто така беше забранета со резолуции на Советот за безбедност на ОН.

Кинескиот амбасадор Џанг Џун изрази противење на нуклеарните тестови, но неговата земја не е подготвена да стори ништо за да ги спречи. Наместо Северна Кореја, за ескалација на тензиите тој ги обвини САД и Јужна Кореја, кои спроведуваат заеднички воени вежби.

Американската амбасадорка Линда Томас-Гринфилд, без да ја именува, ги обвини Кина и Русија дека се обидуваат да најдат изговори за постапките на Северна Кореја, исмејувајќи го Советот за безбедност на ОН.

Таа нагласи дека воените вежби никого не загрозуваат и дека американската влада е отворена за дијалог. Францускиот амбасадор Никола де Ривиер, сепак, веруваше дека Пјонгјанг се подготвува за седмиот нуклеарен тест.

Share on Facebook

Tweet

Follow us

Save