Коалиционите се демантираат на дневна основа: Меџити повтори, прв вицепремиер ќе има и тоа ќе бидам јас!

Освен министер за екологија, Изет Меџити ќе биде и прв вицепремиер во идната Влада.

Тоа и самиот го тврди, појаснувајќи дека оваа функција не постои во законот за влада, туку истата функционира врз основа на Деловникот на Владата, пренесува ТВ21.

Но, пред неколку дена потпретседателот на ВМРО-ДПМНЕ, Александар Николовски кој исто така ќе биде вицепремиер, за „Телма“ изјави дека во следната Влада нема да има прв вицепремиер, туку сите вицепремиери ќе бидат исти.

Во се уште актуелниот владин состав прв вицепремиер беше Артан Груби, а за време на техничката влада поднесе оставка затоа што Талат Џафери стана премиер од редовите на ДУИ.

По Груби, прв вицепремиер беше Бојан Маричиќ.

Првиот вицепремиер има должност да го менува премиерот кога тој не е присутен во државата, било на билатерални средби или на водење на владини седници.

Share on Facebook

Tweet

Follow us

Save