Ковачевски за Отворен Балкан: Ние се поврзуваме побрзо и бариерите се пробиваат
Со Отворен Балкан ги отстрануваме работните дозволи и ги признаваме дипломите. Бариерите се пробиваат и ние се поврзуваме побрзо, истакна премиерот на Република Македонија, Димитар Ковачевски.
По денешниот видео-конференциски состанок со српскиот претседател, Александар Вучиќ и премиерот на Албанија, Еди Рама, Ковачевски на својот Фејсбук профил напиша дека разговарале за уште пофлуидно и брзо имплементирање на проектите во рамките на Отворен Балкан.
– На самитот во Охрид на 7 и 8 јуни фокусот ќе биде на туризмот и културата, најави премиерот.
Вучиќ по средбата на својот Инстаграм профил напиша дека Отворен Балкан е најдобрата иницијатива за народите на Балканот.
– Подготвуваме големи работи за граѓаните на Србија, Албанија и Македонија, порача Вучиќ на Инстаграм профилот „будучностсрбијеав”, заедно со фотографии од видео-конференцијата.
На средбата присуствувале и српскиот министер за финансии, Синиша Мали, министерката за трговија, Татјана Матиќ и претседателот на Стопанската комора на Србија (ПКС), Марко Чадеж.
На почетокот на јуни во Охрид се очекува средба во рамки на иницијативата „Отворен Балкан”, на која ќе присуствува и премиерот на Црна Гора, Дритан Абазовиќ.
ПОВРЗАНИ ВЕСТИ
Балканот денеска е најтоплиот дел од Европа
Во земјите од регионот денеска се активирани…
Грчките здравствени власти предупредуваат на наглото зголемување…
Властите во Грција предупредуваат на зголемено ширење…
ЕУ донираше 35 милиони евра за Србија…
Претседателот на Србија, Александар Вучиќ изјави дека…
Детална истрага за регионалниот крах на електроенергетскиот…
Комитетот за системско работење на Европската мрежа…
Машала: ЕУ ќе даде 500 милиони евра…
Европската комисија го усвои Предлог-буџетот на ЕУ…