Ковачки до Пендаровски: Гледај и учи од Ахмети, ти не си врховен командант, ти си само послушник

Пратеникот и член на ИК на ВМРО-ДПМНЕ, Драган Ковачки, преку Фејсбук статус му порача на Претседателот Пендаровски да учи од Али Ахмети како се сака сопствениот народ.

Во проголжение Фејсбук статусот на пратеникот:

“Пратеникот Ахмети придружуван од првиот вице-премиер и министерот за надворешни во посета на Владата на Косово со изјава дека Косово му е секогаш со срцето и умот кога носи одлуки и презема акции.
Од друга страна, претседателот на МК – Стево Пендаровски ги повика Македонците од ОМО Илинден за да ги понижи притоа неспомнувајќи дека прво станува збор за Македонци, а дури после тоа за граѓани на Бугарија.
Оти ако тие беа само граѓани на Бугарија, а не беа и Македонци, тогаш што воопшто ќе бараа кај него во кабинет, нели?
Дојде ред оној што е платен од овие граѓани да ја брани македонштината, да се срами и да се плаши да го изговори зборот Македонец во главниот град на Македонија.
Пендаровски, гледај и учи од Ахмети. Ти не си врховен командант, ти си само послушник на Заев и ја спроведуваш анационалната политика која заедно ја имате договорено со Ковачевски и Османи на штета на македонските национални интереси и македонскиот народ.
Доста си играте со чувствата на Македонецот!
#Однародени” – стои во објавата на Фејсбук
https://www.facebook.com/DraganKovachki/posts/325291389606691

Share on Facebook

Tweet

Follow us

Save