INFOMAX.MK

Пропагандната битка меѓу Србија и Косово се одвива и на телевизискиот пазар, поконкретно на спортските канали. „Арена спорт“ е забранета во Косово затоа што во неколку спортски емисии прикажува снимки на кои се слави нападот во Бањска во кој беа убиени косовски полицаец и тројца Срби, објави N1.

Откако Арена спорт, која ја емитуваат повеќе кабелски оператори во Косово, емитуваше пропагандни видеа во кои се величи нападот во Бањска во неколку спортски емисии, независната комисија за медиуми на Косово го забрани емитувањето на нивните канали. На снимката што ја објави Арена спорт, инаку во сопственост на Телеком Србија, се гледа манастирот Бањска и датумот 24 септември кога се случи нападот, со зборовите „ќе паметиме“ и „слава на хероите“.

„Не сум изненаден од ваквата одлука на Арена, односно српски Телеком, бидејќи е јасно дека тоа е државен проект кој секогаш бил под политичка контрола и кој правел работи блиски до владејачката политика, на еден или друг“, изјави Марко Милосављевиќ од Универзитетот во Љубљана.

Се покажа, според аналитичарите, дека владата во Србија уште еднаш ги злоупотребила политичките спортски канали кога тоа било во интерес на српскиот претседател Александар Вучиќ.

„Тој тоталитарен режим што продолжува се одрази и на спортот. Тие решија да ја забранат и Арена Спорт и оваа ситуација што се случи на Косово – тоа е чиста, всушност политичка одлука. Спортот и спортските стадиони, се што е поврзано со спортот најчесто се продолжена рака на политичките интереси“, вели Игор Флак, коментатор на Спорт Клуб Хрватска.

Како што пишува N1, „Aрена спорт“ издвои една милијарда евра за купување спортски преноси за да влезе во домовите во регионот и сега ги злоупотребува за политички цели. Државниот Телеком Србија, кој поседува 16 канали „Арена спорт“, се претплати на спортски преноси за 100 пати повеќе од реалната цена, како што е Премиер лигата, за што издвоија 600 милиони евра.

„Мислам дека секогаш се работеше за геополитички интерес кој требаше да послужи како параван, појдовна точка на проширување на некои ставови и некои други интереси на владејачката политика на Белград, која потоа се прошири не само на територијата на Србија, но и кон другите земји од Западен Балкан, вклучително и Хрватска и Словенија“, вели проф. Милосављевиќ.

Тој смета дека проблем за спортските права што ги има „Арена спорт“ може да настане доколку и другите регулатори во другите земји се однесуваат слично, како оние во Косово. Но, од Регулаторната агенција за комуникации на Босна и Херцеговина, има одговор дека во нивната регулатива нема посебни одредби кои би се однесувале на политичка пропаганда на спортските канали.