INFOMAX.MK

Пратеничката на Демократската партија на Косово, Ганимете Муслиу изјави дека премиерот Албин Курти се однесува арогантно и детско и додаде дека Косово не може да напредува без Соединетите Американски Држави и Европската Унија, пренесува Економија онлајн.
Муслиу додаде дека треба да се внимава кога се зборува за безбедноста на Косово.

„Во однос на безбедносната ситуација на северот на Косово, мора да бидеме внимателни во нашите изјави. Не сакам да давам хипотетички одговори во однос на безбедноста на мојата земја. Албин Курти треба да го остави настрана својот популистички речник. Тој да го остави на страна своето болно его и да се однесува како лидер на државата.Однесувањето на Албин Курти и Владата со министри и пратеници е арогантно и детско однесување.Мораме да ги земеме предвид советите на нашите пријатели од САД, бидејќи не можеме да напредуваме без САД и ЕУ“, рече Муслиу.

Таа додаде дека секоја одлука донесена против САД е штетна за Косово и самиот Курти.

„Ние како опозиција му понудивме поддршка на Албин Курти, но тоа никогаш не беше прифатено, бидејќи и кога ќе им помогнете, тие одбиваат. Никогаш не сме тргнале против суверенитетот на нашата земја. ДПК докажа дека го проширува суверенитетот, а оваа Влада останува да го зачува суверенитетот што ДПК го прошири додека беше во владата“, рече Муслиу.