Косовски вицепремиер: Косово заслужува да добие статус на кандидат за членство во ЕУ

Кабинетот на вицепремиерот на Косово, Бесник Бисљими, соопшти дека Косово е подготвено да ја продолжи интеграцијата во механизмите на Европската унија, осврнувајќи се на барањето за членство на Косово во ЕУ, поднесено во 2022 година, пренесува Клан Косова.
Кабинетот укажува на чекорите што ги презема Приштина на нејзиниот европски пат.

„Нашата апликација за членство во ЕУ, заедно со високото ниво на реформи како никогаш досега, се докажа на агендата со 72 отсто наспроти 45 отсто од претходните влади, степенот на имплементација на Националната програма за европска интеграција, постигнувањето на визната либерализација по неколкугодишно чекање и напредок во владеењето на правото, борбата против организираниот криминал, корупцијата и економскиот раст, меѓу другото, покажаа дека нашата земја е подготвена за понатамошни чекори на патот кон интеграција во Европската Унија и усогласување со стандардите на ЕУ“, се наведува во соопштението.

Се додава дека Косово е подготвено да ги започне сите процедури неопходни за членство во ЕУ.

„Ова го докажавме преку Планот за раст и огромната работа што беше развиена во овој процес, каде што Европската Унија ни честиташе за нивото на подготвеност. Очекуваме прифаќање на Прашалникот и оценување врз основа на меритократија за напредок во процесот“, наведуваат понатаму.

Исто така, се нагласува дека Бисљими при последната посета на Варшава веќе започнал консултации за добивање кандидатски статус.

„Косово заслужува да добие статус на земја кандидат, а ние тоа ќе го докажеме со прифаќање на пополнетиот прашалник според критериумите и роковите поставени од Европската Унија. Остануваме целосно посветени на аргументирање на важноста на овој чекор и степенот на подготвеност, затоа очекуваме конкретни чекори со доаѓањето на нова констелација во составот на институциите во Европската унија, како и идното претседавање со Полска од јануари“ , заклучија тие.

Share on Facebook

Tweet

Follow us

Save