INFOMAX.MK

Патување во еден правец до Унгарија на нашата влада чини 14.000.000 денари.

Програмата за спорт преку која ги поддржуваме сите спортски клубови во Струмица и колективни и индивидуални спортови, кои ја промовираат Струмица и Македонија која ние како општина им ја даваме е 16.000.000 денари за цела година, пишува на Фејсбук градоначалникот на Струмица, Костадин Костадинов.

– Наша владо ве замолувам наместо да откажувате поддршка на трета лига клубови како што е случајот со ФК Тиверија, кој е клуб кој постои 103 години, наместо да намалувате поддршка на спортот во Струмица за 65% само откажете се од едно патување.

Ве молам, Струмица дава огромен број спортски таленти, карате клубот донесе 40 медаљи, кик бокс клуб Зоран над 30 медаљи на последно првенство, шах број еден во државата, ОК Струмица и другите одбојкарски клубови со шампионски титули, се тоа е блокирано заради ароганција, суета и безобразлук!

Струмица нема да заборави за овие злодела! – пишува Костадинов.