Кривична пријава за вработен во ЈП „Национални шуми“: Одобрил незаконска сеча на дрва

Надворешната канцеларија за криминалистички работи Свети Николе поднесе кривична пријава против Д.Л. (62) од Свети Николе, поради постоење основи на сомнение за сторување на кривичното дело „несовесно работење во службата“.

Според пријавата, осомничениот, кој работел како референт за превоз во Јавното претпријатие „Национални шуми“ – подружница Свети Николе, постапувајќи по барања од две лица за обезбедување шумски сортименти, дозволил тие бесправно да исечат и натоварат значително поголема количина дабово дрво од законски одобрената.

Со тоа, лицата се стекнале со противправна имотна корист, а настанета е и штета врз шумското богатство. Случајот е расчистен и против пријавениот е поднесена соодветна кривична пријава.

Share on Facebook

Tweet

Follow us

Save