Кумановка го дала бебето на чување на брачен пар од Арачиново, па не сакале да ѝ го вратат

Брачен пар од Арачиново биле пријавени од страна на кумановка дека не сакале да и го вратат бебето кое го дала на привремено чување.

„На 23.02.2025 во 19.30 часот во СВР Куманово, М.М.(41) од Куманово пријавила дека А.М.(39) и неговата сопруга А.М.(35) од с.Арачиново, скопско, не ѝ го давале нејзиното новороденче“, информираат од Секторот за внатрешни работи.

Од она што таа пријавила во полиција е дека целата таа работа почнала пред четири месеци додека била бремена, се запознала со сопружниците, кои ѝ понудиле финансиска помош откако ќе се породи.

„Таа се породила на 18.02.2025, а на 20 излегла од болница и била пречекана од А.М. и А.М., кои и предложиле да потпише изјава кај нотар за да може бебето неколку дена да остане кај нив, на 21.02.2025 таа го оставила бебето во нивниот дом и А..М.(39) и дал пари, а кога побарала на 23.02.2025 да си го земе, тој не ѝ го дал со образложение дека ќе остане кај нив“, велат од МВР.

Од МВР инфораат дека сопружниците биле уапсени денес во 01:40 часот, однесени во полициска станиа и против нив ќе следува соодветна пријава.

Share on Facebook

Tweet

Follow us

Save