Куновска распали по министрите за здравство: „КАКВИ ГОЛТАРИ БЕА КОГА ДОЈДОА НА ВЛАСТ И НЕМАА ЗА НОВО ОДЕЛЦЕ ЗА ГРУПНОТО ФОТО НА ВЛАДА”

Софија Куновска важи за голем критичар на секоја власт. 

За случајот со онкологија и таа се огласи со свој став. Овој пат таа се осврна на министрите за здравство.

„ Проблемите се многу поголеми одошто навидум изгледаат.

Што е задачата на едно ресорно министерство, поточно на еден ресорен министер и неговите службеници?

Да овозможат највисоки можни стандарди ресорот да ги опслужува граѓаните.

Во случајов, кога станува збор за здравството,

-да се овозможи здравствена услуга во безбедни објекти,

-лекување согласно светски протоколи,

-да ги гарантира достапноста и квалитетот на лековите

-како и стручноста и професионалноста на медицинскиот персонал.

Ништо од тоа. Наместо сето наведено неретки се случаите кога го добиваме токму спротивното.

-запалени или во најголем број санитарно несоодветни услови во објектите

– несоодветна опременост на објектите

-лекување при што од лекарски грешки страдаат пациенти

-недостаток на лекови или нивен сомнителен квалитет

– несовесен, поткуплив и непрофесионален кадар.

Заклучок: министрите за здравство го разбираат здравството единствено како поле за „товарење на магарињата“ и ништо друго. А сосем извесно премиерите учествуваат во истото со чинење или нечинење.

Затоа убаво рекле старите: Рибата од главата смрди!

Ајде сега заради „уметнички дојам“ да ги наброиме сите куќи, вили, мотори, автомобили, бродови, бизниси и останати играчки на министрите за здравство во последниве 6-7 години, се разбира на туѓи имиња, за чисто да споредиме какви голтари беа кога дојдоа на власт и немаа ни за ново оделце за групнаото фото за нова влада.“ напиша таа.