КУПУВАЈТЕ ЕЛЕКТРИЧНИ ВОЗИЛА: Европратенците гласаа за забрана за купување на бензин и дизел автомобили од 2035

Европратениците гласаа за ефективна забрана за продажба на нови бензински и дизел автомобили. Ова доаѓа како дел од широкиот пакет мерки за борба против климатските промени.

Европратениците го поддржаа предлогот на Европската комисија да се воведе 100% намалување на емисиите на CO2 од новите автомобили до 2035 година низ земјите во Европа.

Најмногу лобираа германските претставници кои стравуваа дека тамошната автомобилска индустрија ќе изгуби 500.000 работни места со преминот кон електрични возила.

Патниот транспорт е одговорен за околу 20% од емисиите на CO2, од кои 70% доаѓаат од приватни автомобили и комбиња.

Еврокомесарот за клима, Франц Тимерманс вели дека возачите со просечни примања не треба да се грижат, бидејќи електричните автомобили се веќе поевтини од конкурентите, земајќи ги предвид трошоците за одржување.

Извор: ТВ 21

Share on Facebook

Tweet

Follow us

Save