Курти повторно за „незавршениот проект на Призренската лига“: Обединувањето на Албанците е нашата главна цел

Косовскиот премиер Албин Курти на денешната седница на Генералниот совет на движењето „Самоопределување“ повторно зборуваше за „незавршениот проект на Призренската лига“, повикувајќи на национално единство на Албанците, повикувајќи ги членовите на неговата партија “да не заборават за важноста на историјата и единството, кои се неопходни за да се оди силно напред“, известува Репортерс.

„Вчера, драги активисти, беа 145 години од Призренската лига, кога нашите активисти ги вратија паролите „Лигата е жива“ и „Ние сме едно“. Да не заборавиме на важноста на историјата и единството бидејќи сите сакаме да се движиме напред силно“, рече Курти.

Тој наведува дека „обединувањето е главна цел“.

„Нашата цел е одредена од незавршениот проект на Призренската лига, а нашиот компас е политичка мисла која оди од Сами Фрашери до Фан Ноли, сестрите Чиријази и сè до Укшин Хоти“, рече Курти.

Share on Facebook

Tweet

Follow us

Save