Кучето на Бајден каснало најмалку десет членови на Тајната служба

Помладото куче на американскиот претседател Џо Бајден, германскиот овчар Командант, веќе е познато по честите инциденти што ги предизвикува, што предизвикува страв кај персоналот кој се наоѓа во близина на претседателот Бајден. Нападнал или каснал десет членови на Тајната служба во Белата куќа и во Делавер, се наведува во електронската кореспонденција на американската тајна служба, пренесува Си-Ен-Ен.

22-месечниот командант пристигна во Белата куќа во 2021 година. Белата куќа тврди дека семејството Бајден по инцидентите работеле на тренирање на семејното милениче.

Претходно, околината на Бајден имаше слични проблеми. Претходното куче на претседателот, германскиот овчар Мајор, касна неколку луѓе во Белата куќа, што подоцна го чинеше иселување од резиденцијата на американскиот претседател.

Е-пошта, добиена од конзервативната група Judicial Watch според Законот за слобода на информации, покажува дека Командант бил вклучен во 10 инциденти, вклучително и оној во кој еден офицер е хоспитализиран.

„Наместо да ги заштити своите агенти, Тајната служба се обиде незаконски да задржи документи за злоупотреба на нивните вработени од страна на семејството Бајден“, рече претставникот на Judicial Watch, Том Фитон.

Вниманието на медиумите го привлече тоа што Белата куќа објави само два вакви „ситни“ инциденти, додека, судејќи според објавената кореспонденција, имаше многу повеќе.

Во еден од инцидентите опишани во кореспонденцијата на Тајната служба, службеник бил упатен во локална болница во ноември 2022 година, откако бил каснат за раката и бутот од куче. Други инциденти се случија кога Командант слободно се шетал во дворот на Белата куќа.

Според преписката, инцидентот се случил и во октомври кога првата дама Џил Бајден во еден момент „не можела да го контролира кучето“, а потоа еден од членовите на Тајната служба ја предупредил за неговото однесување.

„Верувам дека е само прашање на време кога некој агент или службеник ќе биде нападнат или каснат“, се вели во е-поштата на членот на персоналот.

„Комплексот на Белата куќа е уникатна и често стресна средина за семејните миленици, а претседателот и првата дама работат на тоа да ја подобрат ситуацијата за сите“, изјави портпаролката на Џил Бајден, Елизабет Александар.

„Во текот на изминатите неколку претседателски администрации, Тајната служба смислуваше како најдобро да се однесува со семејните миленици, и овие инциденти не се исклучок. Ние ја сфаќаме безбедноста и благосостојбата на нашите вработени крајно сериозно“, рече во изјавата Ентони Гуглиелми, шеф за комуникации на американската тајна служба.

Тој додаде дека вработените се охрабруваат да ги пријават сите повреди на работа.

„Ние сме свесни за минатите инциденти кои вклучуваат први семејни миленичиња и овие случаи се третирани слично како повреди на работното место, вклучително и соодветни процедури за известување и пријавување“, рече тој.