INFOMAX.MK

Берлинската полиција ги предупреди граѓаните дека се верува дека лавица е на слобода во југозападните предградија на германската престолнина.

Жителите беа предупредени да не ги напуштаат своите домови и да ги чуваат домашните миленици во затворени простории, објави Ројтерс.
Јавниот сервис РББ јави дека во тек е полициска потрага по лавицата во која учествуваат хеликоптер и противпожарни бригади.

Животното за кое постои сомневање дека е побегната лавица, наводно било забележано денеска во регионот Потсдам во предградието на германската престолнина, соопшти полицијата.
Полицијата соопшти дека во потрагата по животното се вклучени и ветеринари и ловџии.
Полицијата соопшти дека добила информација за присуството на животното од сведоци кои го снимиле како напаѓа и убива дива свиња.

Полицијата соопшти дека не знае од каде дошло животното откако ги проверила зоолошките градини, циркусите и засолништата за животни каде лавицата не била пријавена за исчезната.
Потрагата по лавицата е фокусирана на општината Клајнмахнов на јужната периферија на Берлин, која има околу 20.000 жители.