Лазаров: Оваа победа ќе ни донесе полесен противник во баражот за СП!

Македонија конечно блесна на Европското првенство (ЕП) и ја совлада незгодната Швајцарија со 29-27 за прв триумф на натпреварувањето. Селекторот Кирил Лазаров конечно се израдува на ова ЕП.

Тој по мечот кажа дека неговите пулени одиграле квалитетен меч со голема борба и желба за победа.

„Сакам да им честитам на моите момци за одлична борба во сите 60 минути. Моето прво чувство е дека одигравме квалитетен натпревар со голема борба и желба за победа. Кога посакувате триумф, не е важно ништо друго. Швајцарија покажа на ова првенство дека е квалитетна. Јас сум задоволен од настапот, мислам дека ги намаливме техничките грешки. Жал ми е што на претходните натпревари не постигнавме подобар резултат. Сепак, и ова е добар резултат и благодарен сум на сите. Ова беше многу важна победа за нас бидејќи завршивме на трето место и ќе имаме полесен противник за баражот за пласман на Светското првенство наредната година“, кажа Лазаров.

Share on Facebook

Tweet

Follow us

Save