ЛУДОСТ! ЕСТОНИЈА, КОЈА ИМА ВКУПНО 7.000 ВОЈНИЦИ, СЕ ЗАКАНУВА НА РУСИЈА: Подготвени сме да извршиме превентивен напад врз Москва за да го заштитиме НАТО!

Доколку Москва покаже знаци на подготовка за напад на НАТО алијансата, Естонија е подготвена да изврши превентивен напад против Русија за да го заштити НАТО, изјави началникот на Генералштабот на вооружените сили на Естонија, генерал-мајор Вахур Карус.

Според претходната доктрина, Естонија требало да почека и да го прими ударот.

Одбранбената стратегија на Естонија значеше дека Естонија ќе издржи 10 дена во војната, а за тоа време силите на НАТО ќе пристигнат на нејзиниот брег.

Можно е поради страв од ваквиот став Русија да одлучила да ја промени својата нуклеарна доктрина. Како и да е, Русија сериозно ја сфати заканата дека ќе и дозволи на Украина да користи странско оружје со долг дострел на територијата на Руската Федерација.

Што се однесува до Балтикот, односите таму се затегнати во последно време.

Според некои извори, септемврискиот напад врз голем руски магацин во Торопек бил извршен со напад со дрон кој полетал од Летонија.

Во тој период Летонија заедно со Естонија имаа воени вежби во близина на руската граница. Фактот дека Литванците веќе размислуваат за масовна евакуација во случај на војна со Русија, покажува дека Балтикот се подготвува за ескалација.

Естонските вооружени сили имаат 7.000 редовни војници, вклучувајќи ги сите гранки (армија, воздухопловство и морнарица). Естонија нема тенкови, но има над 40 пешадиски борбени возила, шведски CV90.

Оваа балтичка република нема борбена авијација, потпирајќи се на програмата на НАТО за воздушна полиција. Естонија неодамна ја отвори НАТО базата „Ридо“, на околу 40 километри од Русија.

Во Естонија отворено се зборува за можноста за затворање на Финскиот залив, кој е единствената врска на Русија со Калининград.

Share on Facebook

Tweet

Follow us

Save