Лукашенко: Белорусија мора да се подготви за војна

Претседателот на Белорусија Александар Лукашенко изјави дека земјата треба да се подготви за војна, но дека не сака оваа војна да се случи.

„Старата формула: ако сакате мир, подгответе се за војна. Сакам уште еднаш да нагласам (иако зошто овде некому да се правдаме) дека немаме намера да војуваме, не сакаме да војуваме… Сето ова е веќе кажано. Нашите противници, нашите ривали го слушаат ова, но си го прават своето. Тие што се подготвуваат да војуваат против нас. Затоа мора да се подготвиме за војна. И не дај Боже да се случи оваа војна“, рече Лукашенко на состанокот на воениот полигон Леснов во регионот Брест во Белорусија.

Сепак, тој додаде дека, без оглед на ситуацијата околу Белорусија, засега нема тенденција за започнување војна против оваа земја.

Лукашенко претходно изјави дека Белорусија е способна да се одбрани и дека присуството на рускиот нуклеарен штит ги одвраќа САД да преземат силни мерки против Русија и Белорусија.

Share on Facebook

Tweet

Follow us

Save