Македонија добива нов скијачки центар – од 1 јануари љубителите на скијањето ќе може да уживаат на Михајлово

Градоначалникот на Кавадарци Митко Јанчев, на социјалните мрежи соопшти дека подготовките за пуштање во употреба на новиот ски – центар Михајлово се во завршна фаза и официјалното отворање ќе биде на 1 јануари.

Со огромно задоволство ве покануваме на 1 јануари од 11.00 часот на првиот ден од новата година во срцето на Кожув планина, да бидете дел од официјалното отворање на Скијачки Центар Михајлово, истакна Јанчев.

Тој додаде дека името на првата скијачка патека ќе го носи името „Македонија“.

Новата скијачка патека во Михајлово ќе биде шеста во Македонија по Попова Шапка, Маврово, Пониква, Пелистер и Крушево.

Share on Facebook

Tweet

Follow us

Save