Македонија на петто место по бројот на смртни случаи од корона на милион жители

Со 4.469 смртни случаи од коронавирус на милион жители, Македонија е на петтото место во светот, објавено е на веб-страницата Worldometer.

Пред Македонија се наоѓаат: Перу, Бугарија, БиХ и Унгарија.

Што се однесува до другите земји во првите десет по мртви на милион жители, само Перу не е европска земја. Во БиХ починале 4.871 лице на милион жители, 4.330 во Црна Гора и 3.945 во Хрватска.

Соединетите Американски Држави се на врвот на листата со најмногу смртни случаи од коронавирус, со повеќе од еден милион мртви (1.033.645). На второ и трето место се Бразил (667.056) и Индија (524.701), а првите пет ги затвораат Русија (379.584) и Мексико (325.017).

Share on Facebook

Tweet

Follow us

Save